Covid-19 vanga thi 512

Nimin khan tlai dar 5 thlengin Covid-19 vanga thi pakhat a awm a, December 9, Ningania thi pahnih an awm bawk.

Nimin tlai dar 5 thleng khan Mizoramah Covid-19 vanga thi 512 an awm tawh a ni.

Lallianmawia (28), Electric Veng chu Synod Hospital-ah enkawl a nih laiin hripui a vei tih hriat chhuah a ni a, December 9, Ningania ZMC panpui a nih laiin chawhnu dar 2:05 khan kawng lakah a thi a, natna dang nei tel a ni. December 9, Ningani chawhnu dar 4:15 khan Laltluangliana (49), Chhingchhip chu State Refferal Hospital-ah a thi a natna dang nei a ni. December 7 khan vei tih hriat chhuah niin December 9 khan admit a ni.

Nimin zing dar 9:40 khan Vanlalveni (60), Chanmari chu SRH-ZMC ah a thi a, natna dang nei tel a ni. December 7 khan hri a vei tih hriat chhuah niin hemi ni vek hian SRH-ah admit nghal a ni.