Reiek khua tuia chawmna tur hawng

Cheng nuai 1200 chuang senga siam Reiek Water Supply Scheme Pumping chu nimin khan NABARD chairman Dr GR Chintala-in a hawng a, anmahni kaltlanga PHE department-in Reiek khaw mipui tana hna an thawk chu lawmawm a tih thu a sawi.

Reiek Water Supply Scheme Pumping siamna atan hian NABARD aṭangin cheng nuai 1,296.63 ruahman niin, NABARD aṭangin cheng nuai 1,168.97 puk a ni. Ni 16.3.2020 aṭanga hnathawh ṭan a ni a, ni 6.12.2021 khan siam zawh a ni.

A tui pipe thui zawng hi metre 1,277 niin Dihmunzawl aṭanga Reieka pump chhoh tur a ni a, nitin electric hmangin darkar 8 pump ṭhin a ni dawn a, darkar khatah litre 16000 pump thei tura duan a ni.