Energy renchem dan zirtirtute zirtir

State Designated Agency (SDA) buatsaihin nimin khan Synod Conference Centre-ah sorkar middle school zirtirtute energy renchem dan leh a pawimawhna zirtir an ni a, Power & Electricity secretary H Lalengmawia'n a hmanpui.

H Lalengmawia chuan, tun dinhmunah Mizoram chu kawlphe­thaah a intodelh mai a rinawm loh thu sawiin, "Kan power project neih a tê hlawm si a, intodelh a la har viau ang. Project tê kan kalpuina chhan pakhat chu, megawatt 25 aia sang pe chhuak thei project-ah chuan state-in thuneihna kan nei thei dawn lo a ni," a ti a; Mizoramin kawlphetha a neih ang angte fing leh renchem taka hman thiam a pawimawh thu a sawi.

Inkhawmah hian SDA Chief Electoral Inspector-in technical report a pe a, Project Cordinator Vansangliana'n energy renchem theih dan hrang hrang a sawifiah thung.

Sorkar laipui chuan Ministry of Power hnuai­ah Bureau of Energy Efficiency an din a, chumi hnuaiah chuan state tina hma la turin SDA din a ni. Mizoramah chuan SDA hi February 2008 khan din a ni.

SDA hian sikul hrang hranga zirlaite enegry remchem dan leh a pawi­mawhna an zirtir ṭhin a, kumin bikah sikul 107-ah energy club an din tawh. Sorkar sikul 100 hnenah energy heh lo chi leh hmang tlem chi LED tube, tubelight leh ceiling fan pek a ni tawh bawk.