Khawpui fai inelna tur sawiho

Lunglei Town Sanitation Task Force chu nimin khan an chairman Dr Ankita Charavarty, district bawrhsap hoin a pisaah an ṭhukhawm a, UDPA department-in ‘Mizoram Khawpui Fai Inelna 2018’ an buatsaih tura an district inpuahchah dan tur an sawiho.

Dr Ankita Chakravarty chuan, UDPA-in khawpui fai inelna a buatsaih turah Lunglei district chu dinhmun ṭha taka a din theihna atan ruahmanna ṭha tak neih a pawimawh thu a sawi a; district capital fai ber an nih theihna atana hmalakna tur pawimawh leh inbuatsaihna tur chhawp­chhuahte a taka puitlin ngei tura thawhpuiah Lunglei mipuite a sáwm.

Lunglei DUDA Andrew Lalhruaia chuan, Mizoram Khawpui Fai Inelna, 2017-a village council, YMA, Clean Lunglei leh Lunglei mipuite thawhrimna leh inpekna chu fakawm a tih thu sawiin an chungah lawmthu a sawi a, "Kumina khawpui fai Inelna kan hmachhawn mekah pawh Lunglei mipui ṭha­-

hnem tak phûr taka an rawn thawh chhuah leh ngei kan beisei a ni," a ti.

Meeting-ah hian khawpui fai tehna tur chi hrang hrangte sawihona leh hmalak dan turah rawt­nate siam a ni a, chu'ng ruahmanna hrang hrang an chhawpchhuahte chu a theih chin chinah hmalak zui nghal tura tih a ni.