Mizoramah ni hnih chhungin Covid-19 vei 507 hmuh a ni

Mizoramah Covid-19 vei December 10, Zirtawpni khan mi 247 leh December 11, Inrinni khan mi 260 hmuh chhuah a ni a, ni hnih chhungin mi 507 hmuh belh a ni. Inrinni leh nimin khan hripui vei dam tawh mi 577 chhuahtir an ni a, mi pakhat pasarih an thi.

Covid-19 vei Zirtawpnia hmuh mi 247-te chu mipa 116 leh hmeichhia 131 an ni a; ZMC laboratory-a hmuh chhuah 11, TrueNAT hmanga hmuh 11, RAT hmanga hmuh 222 leh FIA hmanga hmuh pathum an ni. Inrinnia hmuh belh mi 260-te chu mipa 128 leh hmeichhia 132 a

n ni a; ZMC-a hmuh 53, TrueNAT hmanga hmuh 14, RAT hmanga hmuh 189 leh FIA hmanga hmuh pali an ni.

December 10, Zirtawpnia Covid-19 vei hmuh thar mi 247 zingah symptom nei mi 148 an awm a, mi 85 erawh chuan symptom an nei lo a, dinhmun tarlan chian loh 14 an awm. Inrinnia Covid-19 vei hmuh thar mi 260 zingah symptom nei mi 146 an awm a, mi 114 erawh chuan symptom an nei lo.

Mizorama swab sample endik tawh zawng zawngah RT-PCR hmanga endik zat percentage ni tin a tlahniam hret hret zel a, RAT hmanga endik zat a pung zel thung. December 11, 2021 thlenga swab sample endik tawh 14,64,737 aṭanga RT-PCR hmanga endik zat percentage chu 22.35 a ni a, RAT hmanga endik zat chu 71.75% a tling.

Kum 2011 chhiarpui aṭanga chhûtin, Mizorama Covid-19 vei hmuh tawh 1,38,212 chu mi 1,000 zelah hripui vei mi 126 an awm ang a ni a; mi 1,00,000 zela Covid-19 vangin mi 47 an thi tawh ang a ni tih sorkar thuchhuakin a tarlang.

Nimin khan tlai dar 5 thlengin hripui vei dam tawh mi 354 chhuahtir an ni a, Inrinni khan mi 223 chhuahtir an ni bawk. IDSP record angin, Mizoramah Covid-19 vei 1,38,212 hmuh chhuah a ni tawh a, mipa 66,713 leh hmeichhia 71,499 an ni a, mipa aiin hmeichhia 4,786-in an tam zawk. Nimin tlai dar 5 thleng khan mi 1,34,950 (97.64%) chhuahtir an ni tawh a, mi 521 (0.38%) thi tawhin, enkawl mek mi 2,741 (1.98%) an awm.