LEIMININ KAWNGPUI HNAWH:

June 15, Thawhṭanni zan dar 12 vel khan Bawngkawnah kawngpui chhak lama mimal in sakna tura lei laih mek chhak lam a min a, leimin hian Bawngkawn leh Ṭhuampui inkar kawngpui, NH-54 a hnawh ping. Lei minna hmun hi nimin khan sorkara mithiamte'n an endik a, paih fai hna erawh thawh a la ni lo. Vanglaini palai zawhna chhangin AMC hotute chuan, lei minna hmun hi District Disaster Management Authority leh Geology & Mining lam nena endik lai a nih avangin in sak phalna an la pek loh thu an sawi. Bawngkawn khawtlang hruaitute pawhin District Disaster Management Authority leh Geology & Mining lam nena endik mek a nih laiin lei a min thu Vanglaini an hrilh bawk.