HSS Quiz-a thiam ber St.Joseph HSS

Students’ Self-Support Union (SSU) Gen.Hqrs leh PHE department hnuaia WSSO-in an buatsaih, 'Water & Sanitation Challenge High School Quiz Competition 2021 chu zawh a ni a, St. Joseph Higher Secondary School, Aizawl pakhatna an ni.

High School Quiz Competition 2021 final chu December 11, Inrinni zan khan neih a ni a, minister of state Robert Romawia Royte-in a hmanpui. Ephraim Higher Secondary School, Aizawl district chu pahnihna an ni a, Green Hills High School, Kawnpui chu pathumna an ni thung.

Pakhatna hian lawmmanah Rs 50,000 an dawng a, pahnihnain Rs 30,000 leh pathumnain Rs 20,000 an dawng a; pawisa fai bakah lawmman dangte hlan a ni. Quiz-a tel zawng zawngte hnenah participation prize Rs. 5,000 ṭheuh hlan a ni bawk.