Victory Week pualin hun hmang

NSS volunteer-te'n nimin khan Aizawl leh Lungleiah kum 1971-a India leh Pakistan indonaa India a chak lawmna atana sorkar laipuiin December 13-19, 2021 chhung Victory Week a puan pualin hun an hmang. Kumin hi indonaa chak champha vawi 50-na a ni.

Mizoram Institute of Comprehensive Education (MICE) NSS volunteer-te chuan sorkar laipui aṭanga thu an hmuh angin nimin khan Treasury Square-a War Memorial tifaiin an hnatlang a, NSS volunteer leh programme officer 20 vel an thawk chhuak.

Baptist Higher Secondary School, Lungleia NSS volunteer-te pawhin an sikulah nimin khan seminar an buatsaih a, Lungleia Sainik Welfare & Resettlement officer Maj. Johny Malsawmzuala chu resource person niin, Indian army zawm theih dan leh hamṭhatna awm thei chi hrang hrang a sawi.