Covid-19 vei enkawl mek Mi 2,539 (1.83%) an awm
December 12, Pathianni khan Mizoramah Covid-19 vei mi 81 hmuh chhuah a ni. Nimin khan hripui vei dam tawh mi 282 chhuahtir niin, mitthi an awm lo.
Covid-19 vei enkawl mek 2,539 awmin, hmuh chhuah tawh aṭangin 1.83% a ni.
Covid-19 vei Pathiannia hmuh tharte chu mipa 37 leh hmeichhia 44 an ni a, RAT hmanga 81 hmuh chhuah an ni. ZMC laboratory-ah leh TrueNAT-PCR leh Fluorescent Immunoassay (FIA) hmangin swab sample endik a ni lo.
IDSP record angin, Mizoramah Covid-19 vei 1,38,293 hmuh chhuah a ni tawh a, mipa 66,750 leh hmeichhia 71,543 an ni a, mipa aiin hmeichhia 4,793-in an tam zawk. Nimin tlai dar 5 thleng khan mi 1,35,232 (97.79%) chhuahtir an ni tawh a, mi 522 (0.38%) thi tawhin, enkawl mek mi 2,539 (1.83%) an awm.
December 12, Pathiannia Covid-19 vei hmuh thar mi 81 zingah symptom nei mi 54 an awm a, mi 27 erawh chuan symptom an nei lo. Pathiannia RAT hmanga sample endikna district 10 zinga district parukah positivity percentage 10% chung lam a awm a, positivity rate sanna ber Serchhip district-ah 82.35% a tling. Positivity rate 10% chung lam district dangte chu - Khawzawl 30.43%, Aizawl 27.78%, Hnahthial 25%, Champhai 22.58% leh Lawngtlai 12.50% a ni. Lunglei leh Saitual district-ah hripui vei hmuh a ni lo a, Siaha district-ah sample endik a ni lo.
Mizorama swab sample endik tawh zawng zawngah RT-PCR hmanga endik zat percentage ni tin a tlahniam hret hret zel a, RAT hmanga endik zat a pung zel thung. December 12, 2021 thlenga swab sample endik tawh 114,65,180 aṭanga RT-PCR hmanga endik zat percentage chu 22.35 a ni a, RAT hmanga endik zat chu 71.76% a tling.
Kum 2011 chhiarpui aṭanga chhûtin, Mizorama Covid-19 vei hmuh tawh 1,38,293 chu mi 1,000 zelah hripui vei mi 126 an awm ang a ni a; mi 1,00,000 zela Covid-19 vangin mi 47 an thi tawh ang a ni tih sorkar thuchhuakin a tarlang.
Nimin khan tlai dar 5 thlengin hripui vei dam tawh mi 282 chhuahtir an ni a; Aizawl district-ah mi 143, Serchhip district-ah 51, Champhai district-ah 33, Lunglei district-ah 26, Hnahthial district-ah 16, Saitual district-ah panga, Mamit district-ah pali leh, Kolasib leh Lawngtlai district-ah pahnih ve ve an chhuak a ni.
