MPF-in Annual General Meeting an nei

Mizoram People Forum (MPF) chuan nimin khan Vanapa Hall-ah Annual General Meeting vawi 14-na an hmang. Inkhawm hruaitu MPF president Rev. Dr C Lalhlira chuan, kohhran leh tlawmngai pawl hrang hrangte chu politics siamṭha tur leh sorkar ṭha a awm theihna tura ṭan la zel turin a chah.

Annual General Mee­ting-ah hian MPF general secretary Rev. R Lalnuntluanga'n MPF hmalaknate a tarlang a; kum 2022-23 chhunga MPF budget an pawm bakah, MPF dan bu ennawn an remti.

MPF vice president Rev. K Lalrinmawia'n 'Kum 2023 MLA General Election atana inbuatsaih lâwkna' tih thupui a sawi a, "Kan ram a tlukchhiat lohna turin kan ramin chhantu a mamawh a, chumi tur chuan MPF hruaitute leh member-te theihtawpa ṭan lak a ngai," a ti a; politics huang chhungah Zo nun ze mawi la lut turin politician-te a chah.