Assam thingpui kg 1 Rs 99,999 in hralh

Guwahati Tea Auction Centre (GTAC)-ah Thawhlehni khan Assam state-a thingpui (tea) vang tak chu kg 1 Rs 99,999-in hralh a ni.

He thingpui 'Manohari Gold' tia sawi a ni a, nikum khan he thingpui vek hi kg 1 Rs 75,000-in GTAC hian a lo hralh tawh a, he record hi rawn khumin kuminah kg 1 Rs 99,999 in an hralh leh a ni.

Guwahati Tea Auction Buyer''s Association (GTABA) secretary, Dinesh Bihani chu hripui leng karah thingpui special tak sang taka chhangtu an la awm chu hlawhtlinna ropui tak a ni tiin, Manohari Tea Estate chuan September thla khan speciality tea siam tur hian theihtawp an chhuah a,an siam zawh hnuah hralh turin GTAC-ah hian an thawn tih a sawi. GTAC chu Assam Speciality tea phochhuahna hmunpui a ni tawh tih a sawi bawk.