Covid-19 vangin mi 525 thi tawh

Nimin khan tlai dar 5 thlengin Covid-19 vangin mi pahnih an thi a, December 13, Thawhṭanni zanah mi pakhat a thi bawk. Nimin tlai dar 5 thleng khan Mizoramah Covid-19 vangin mi 525 an thi tawh a, December thla chhungin mi 28 an thi tawh.

December 13, Thawhṭanni zan dar 11 khan K Lianzama (81), Serchhip chu hripui vangin State Refferal Hospital-ah a thi a, natna dang nei tel a ni. Covid-19 vei a ni tih December 7 khan hmuh chhuah a ni a, SRH-ah dah luh nghal a ni.

Nimin chhun dar 12 khan Kawlramthanga (88), Chawilung, Aizawl district chu hripui vangin SRH-ah a thi a; Covid-19 positive a ni tih November 30 khan finfiah niin, SRH-ah dah luh nghal a ni. Nimin chawhnu dar 1:05 khan Zothangmawii (21), Serchhip pawh hripui vangin SRH-ah a thi a; Covid-19 vei a ni tih November 12 khan hmuh chhuah niin, natna dang nei tel a ni tih sorkar thuchhuakin a tarlang.