Keifang Centenary Infiamna Kûtpui khâr

Minister of state Robert Romawia Royte chuan nimin khan Keifang khaw kum 100 tlin lawmna puala Centenary Organising Committee-in Centenary Infiamna Kûtpui an buatsaih khàrna a hmanpui a, Keifang khaw kum 100 tlin hriatrengna Centenary Park leh park chhunga R Lalzirliana Jubilee Monument a hawng.

Robert Romawia Royte chuan, a depart­ment enkawl kaltlangin Saitual district-ah hmasawnna hnathawh hrang hrang sawiin, Keifang field-a phûl lem phah te, Saituala athletics tih theihna field siam tum te, Ṭam Dil cheibawl tum dante a sawi a, “Keifang field sira Sangtea Basketball leh Volleyball Court hi zana inkhelh theiha buatsaih a ni dawn. Zan lama ṭhalaite’n mobile phone an khawih reng ai chuan sport hmanga zan lam hun an hman ṭangkai theih dan ngaituah a ṭul,” a ti.

Keifang Centenary Infiamna Kûtpui an buatsaih khàrnaah hian Aizawl mayor Lalrinenga Sailo chu khualzahawm a ni.