GST Meeting-ah Minister Lalsawta a tel

July 21, 2018 khan New Delhi-ah Goods & Service Tax (GST) Coun­cil Meeting ṭum 28-na neih a ni a, Taxation minister Lalsawta pawh a tel. Meeting-ah hian item 17-ah chhiah lak tihniam a ni.

Meeting hi Union Finance minister charge la mektu Piyush Goyal-in a kaihruai a; Mizoram aṭangin Taxation Minister bakah, Taxation secretary Vanlalchhuanga, deputy secretary H Lianzela leh joint commissioner HK Laldawngliana te an tel.

Meeting-ah hian GST dan hnuaiah sum­dawngte'n awlsam zawka return an file theih dan tur (simplification of return filing) leh composite dealer chungchang te, August 2017 - June 2018 chhunga chhiah hmuh leh central leh state insem chungchang te, e-Waybill chungchangte leh thil pawimawh hrang hrang sawiho a ni.

Chhiah lak zat mee­ting-in an tihhniamte chu - paint, varnish & putty, household white goods, small TV (upto 68cm), electromechanical domestic appliance (mixer, juicer, grinder, vacuum cleaner, refrigerators, water heater, iron, etc.), special purpose vehicles (work truck, trailer and semi-trailer, certain equipments of industrial use) leh miscellaneous item involving small revenue tihte an ni a; rate tihhniam vanga sorkarin sum a hloh zat tur chu cheng vbc. 6,315 a ni.