Kumtlinglo khuaikhemtu Kum 6 táng turin an hrem
Naupang kumtlinglo khuaikhemtu Lalramchhana, Hlimen Damveng chu POSCO Act special judge Joel Joseph Denga chuan kum ruk chhung jail-a táng tur leh Rs. 20,000 chawi turin a hrem.
Sorkar ukil H Lalmuankima hnen aṭanga thu dawn danin, Lalramchhana hian May 21, 2017 khan hmeichhe naupang kum 10 mi chu mipat hmeichhiatna hmanpuiah sáwmin, a serh a khawihsak a; hei vang hian hmeichhe naupang nu chuan May 27, 2017-ah FIR a thehlut a ni.
Lalramchhana hi police-te'n manin, POCSO Act hnuaiah pawngsual thubuai an siamsak a, an chhui chianna report Court-ah an thehlut.
Court chuan police-te chhuina leh thuhretute thusawi a zir chian hnuah tun hnai khan thutlukna a siam a, Lalramchhana chu kum ruk chhung táng tur leh Rs. 20,000 chawi turin a hrem a, pawisa hi a pek theih loh chuan thla ruk dang tàn belh turin a ti bawk.