MZU Southern Campus din dan tur sawi dun

Chief Minister rua­hmannain tun hnai khan Mizoram Youth Commission (MYC) chairman Joseph Lalhimpuia, MLA leh MZU vice chancellor Prof. KRS Sambasiva Rao te chuan Lunglei MZU Southern Campus neih dan tur an sawi dun.

Prof. KRS Sambasiva Rao chuan, Mizoramah thla sarih vel lek a la awm thu leh Chief Minister nena an inhmuh apiangin MZU Southern Campus a ngaih pawimawhzia a sawi ṭhin thu a sawi a, "MZU Southern Campus hi din a nih ngei theihna atan hmalak a ni. He campus-ah hian MZU-a la awm ngai lo subject thar pahnih khat aṭang tala bul ṭan theih ni se a duhawm hle," a ti a; southern campus din a nih theihna atan Ministry of Human Resource Development-ah dilna thehluh a nih tawh thu a sawi.

MYC Chairman chuan, Mizoram sorkar­in a ngaih pawimawh avangin MZU Southern Campus nei tura theih­tawp a lo chhuah tawh thu sawiin, "Lunglei NGO-te pawh campus thar a awm theih nan an phûr a, theihpatawp an lo chhuah tawh. UGC chairman Ved Prakash pawh New Delhi-ah ka hmu a, lehkha pawh ka thehlut tawh. Amaherawhchu, kan beisei angin hlawh­tlinna kan la nei thei lo a ni," a ti a; hmalakna a hlawhtlin thuai theih nan chak taka hma la turin MZU Vice Chancellor a ngen a ni.