Covid-19 veite rilru tina lo turin ngen

Disaster Management & Rehabilitation (DMR) Secretary chuan thuchhuah siamin, local task force-te chu vantlang aurinna leh social media-a veng chhung mipui hriat tur an puanzarnaah Covid-19 veite rilru tina thei tur puangzar/tidarh lo turin a ngen.

DMR Secretary chuan, state páwn aṭanga Mizoram mi leh sa lo haw khung hran mekte bakah, Covid-19 vei inringhlelte swab sample lain RT-PCR test beihpui thlâk mek a nih thu a tarlang a, "Hun rei lo te chhungin Mizoramah Covid-19 vei eng emaw zat hmuh chhuah a ni. He thil duhawm lo thleng mekah hian hripui veitute leh an chhungte rilru tur dáwn hauh loa khua leh veng ṭhenkhata information mike kaltlanga thupuante leh social media-a thu thehdarh déngkháwng tak tak a awm tih hriat a ni," a ti.