Kumtlinglo khawih chingpentu kum 12 táng tura hrem a ni

Naupang kumtlinglo khawih chingpentu Lalruatsanga (28), Chawlh­hmun, Aizawl chu POSCO Act special judge Joel Joseph Denga chuan kum 12 táng tur leh Rs. 20,000 chawi turin a hrem.

Sorkar ukil H Lal­muankima hnen aṭanga thu dawn danin, Lal­ruatsanga hian October 27, 2016 khan Aizawl veng pakhata hmeichhe naupang kum 15 mi chu mipat hmeichhiatna lam hawiin a khawih a; he thil thleng chungchangah hian November 2, 2016-ah Vaivakawn Police Station-ah FIR thehluh a ni.

Special Court chuan thuhretute thusawi leh finfiahnate a zir chian hnuah tun hnai khan thutlukna a siam a, Lalruatsanga chu kum 12 chhung táng tur leh Rs. 20,000 chawi turin Lalruatsanga a hrem a, pawisa chawi tur hi a pek theih loh chuan thla ruk dang tàn belh turin a ti bawk.