IIT-JEE & NEET Scho' Exam-a ti ṭhate hnenah trophy hlan a ni

Mizoram Youth Commission (MYC) leh ALS ten July 14, 2018-a IIT-JEE & NEET Scholarship Examination an buatsaih result chu July 21 khan tihchhuah a ni a; exam-a a ti ṭha, topper-te hnenah MYC chairman Joseph Lalhimpuia'n nimin khan a pisaah trophy a hlan.

IIT-JEE & NEET Scholarship Examination-ah hian Mizorama pawl 11 (science) zirlai naupang 926-in an inlan a; Aizawlah zirlai 764 leh Lungleiaah zirlai 162 an exam a ni.

Northern Mizoram Zone Centre, Aizawla topper pahnihte hnenah MYC Chairman chuan nimin khan a pisaah trophy a hlan a; Lungleiah pawh trophy hlanna inkhawm J Buana College principal pisaah neih niin, MYC member Prof. Zairema'n a hlan thung.

IIT-JEE leh NEET-ah Mizoram zirlaite an tlin theih nan MYC leh ALS chuan thawh dunna siamin, pawl 11 (science) zirlaite tan online coaching an buatsaihsak dawn a; online scholarship exam-a tlingte hian Thawhṭanni - Zirtawpni chhungin tlai dar 4-6 chhung ni tin coaching an kal ṭhin dawn bakah, kum 2019-20 session-ah coaching pek chhunzawm an ni dawn a ni.