Minister-in hmasawnna hnathawh a tlawh

UDPA minister Zodintluanga chuan nimin tlai khan Aizawl North-II constituency huam chhunga hmasawnna hna thawh mekte a tlawh. Minister hi State Planning Board vice chairman H Liansailova'n a ṭawiawm a ni.

Ramthar Veng YMA Hall-a inkhawm buatsaihah Zodintluanga chuan, Ramthar Vengah cheng nuai 500 sengin community centre sak a nih dawn thu a sawi a; Ramthar Veng khawtlang hruaitute chu an veng chauh ni lo, Aizawl veng dangte pawhin an talent neih an hai chhuahna hmun a nih theihna atana inhawng zau turin a chah.

UDPA Minister chuan community centre pawimawhna sawiin, "Mihring hian awm khawmna tur, inzirna tur kan mamawh. Kawng dik zawhna tur leh kawng dik min kawhhmuhtu tur chu community centre hi a ni dawn a ni," a ti.