MP-in Bairabi-Sairang rel kawng chungchang Parliament-ah a zawt

Mizoram Lok Sabha MP C Lalrosanga zawhna chhángin Railways minister Ashwini Vaishnaw chuan, Bairabi aṭanga Sairang thleng rél kawng siam mek chu thawh zawh hun tur tak sawi theih ni lo mah se, a chak thei ang bera thawh a nih dawn thu nimin khan Parlialment a hrilh.

Ashwini Vaishnav chuan, km. 51.38-a thui Bairabi-Sairang rél kawng siam nan cheng vbc. 6,527 sen tura chhut a nih thu sawiin, "Cheng vbc. 4,343 sên a ni tawh a, kum 2021-22 chhungin cheng vbc. 1,036 ruahman a ni," a ti a; rél kawngah lei 55 dawh a nih dawn bakah, lei tê 87 dawh a ni dawn a, hmun 32-ah lei verh 32 tur niin, lei verh zawng zawng thui zawng belh khawm chu km. 12.65 a nih thu a sawi.

Railways Minister chuan, Mizoram chhim lam thlenga rél kawng siam rawt chungchangah a pisaa leng turin C Lalrosanga a sáwm a ni.