DPAM-in volunteer tír chhuak
Doctor of Pharmacy Association, Mizoram State Branch (DPAM) chuan Covid-19 hripui léng donaa a ṭul apiang thawk turin volunteer mi 11 an tír chhuak a, Health department-in a mamawh dan angin sem darh an ni.
DPAM chuan, an aiawha Covid-19 donaa thawk tura inpete chungah an lawmthu an sawi a; mipuite chu fimkhur leh zual tur leh Covid-19 atana damdawi ṭha nia sawite leia ei lâwk lo turin an chah. DPAM hi kum 2019-ah din a ni a, hmunpui lama DPA-ah an inziak lut a ni. Doctor of Pharmacy (PharmD) hi Mizo zingah zir chhuak an awm ve nual tawh tih an tarlang.