YMA General Conference

Vawiin hian R Deng­ṭhuama Hall, Mualpuiah YMA General Conference vawi 73-na hman a ni dawn a, kum 2021-23 chhunga Central YMA office bearer turte thlan a ni ang.

YMA General Confe­rence-ah hian chaw­hmaah CYMA president Vanlalruata kaihhruaiin rorel a ni dawn a, rorel tur (agenda) pakua a awm. Chawhnuah kum 2021-23 chhunga CYMA office bearer turte thlan a ni dawn a, returning officer tur chu CYMA president kal chhuak tur Vanlalruata a ni ang. OB atana thlan theih (nominee) mi 12 an awm a ni.

Office bearer turte thlan kar lakah kumpuan bawhzui ṭha, tuihna humhalh ṭha, ramngaw leh nungcha humhalh ṭha, YMA Chanchinbu la ṭhate hnenah chawimawina hlan a ni ang.