MLA-in Lenbuang Fim a tlangzarh

MLA Dr Vanlalthlana chuan December 14, Thawhlehni khan Millennium Centre chhuat àwl (atrium)-a Livelihood Development Exhibition-ah Lenbuang Fim a tlangzarh.

Dr Vanlalthlana chuan, kutthemthiamna lamah Mizote'n nasa takin hma an sawn tih sawiin, "Keimahni siam chhuah leh tharte hi kan ngaisangin kan ngai hlu thiam tur a ni. Chutihrualin, eizawnna tlaka ti tur chuan hrehawm tuar te, taimakte a ngai a, chutianga tuar chhuakte chu an hlawhtling ṭhin. Kan siam chhuahte hi Mizoram mai ni lo, India ram leh khawvel hmun zau zawka thawn chhuak thei tur khawpa nasa lehzuala ṭan kan lak a ngai a ni," a ti.

Dr Vanlalthlana hian a biala kâwngvawn puantaha ei zawngtute hnenah là semin, mi harsa zawkte dinchhuahna tur leh lei rem an rah theihna turin hma a lak pui a; là a sem aṭanga kâwngvawn puantahtute tah chhuahte chu Exhibition-ah hian pho chhuah a ni.

Livelihood Develop­ment Exhibition hi December 13-24, 2021 chhung neih a ni ang.