Minister-in MHIP jubilee a hmanpui

Champhai Vengthar Branch MHIP chuan nimin khan Vengthar Community Hall-ah an kum 25-na, Silver Jubilee an lawm a, minister of state TJ Lalnuntluanga'n hmanpuiin, silver jubilee puala MHIP Ina lungphun a hawng.

TJ Lalnuntluanga chuan, khawvel ram hrang hrang leh Mizoramah hmeichhiate dinhmun chawikan kawngah hmalak a nih mek thu sawiin, "Mizoramin hmeichhiate tana hma laa an dinhmun chawikanna tura ṭhahnemngai taka thawktu MHIP kan nei hi kan vanneihna a ni," a ti a; MHIP chuan hnam dangte lakah Mizoram a chawimawi thu leh an hmalaknate avangin ṭhangtharte thinlungah mahni hnam zahpui lohna leh hnam ziaráng kalsan lohna a intuh ṭhin thu a sawi.

Silver Jubilee lawmna hi Champhai Vengthar Branch MHIP president K Lalsawmkimi'n a kaihruai a, hruaitu ni tawh zawng zawngte hnenah chawimawina thuchei hlan a ni.