Rotary Club-in MJA thilpek an pe

Rotary Club of Aizawl chuan Covid-19 laka invenna atan nimin khan Mizoram Journalists' Association (MJA) hnenah hand sanitiser leh hmai tuamna bakah, Rs. 1,000 an pe. Thilpek hi Rotary Club of Aizawl president Mamon Majumdar chuan MJA president Zonunsanga Khiangte-in a hlân a ni.

Aizawl Press Club-a inkhawm tawi buatsaihah Rotary Club of Aizawl president kal chhuak N Ranjit Singh chuan, Rotary Club-te chuan Covid-19 lèn tirh aṭangin kawng hrang hrangin hma an la tih a sawi a, "Aizawl DC, Vairengte District Task Force leh Vairengte police hnenah Covid-19 laka invenna hmanrua kan pe tawh a, vawiin hian MJA bakah, Aizawl Police Station-ah hmanrua kan pe a ni," a ti.

MJA President chuan, Rotary Club hrang hrangte'n thil ṭha tam tak an tih tawh thu sawiin, "Vawiinah pawh thil ṭha tih an la chhunzawm zel a ni," a ti a, Rotary Club-te chu khawvel pum huap pawha páwl zahawm tak an nih thu a sawi.