Venezuela-India Youth Dialogue 2018-ah Rajya Sabha MP Ronald Sapa a tel

Nimin khan New Delhi-a Venezuela Em­bassy-ah Venezuela ram zalenna kum 207 tlin lawmna leh Venezuela-India Youth Dialogue 2018 neih a ni a, Mizoram Rajya Sabha MP Ronald Sapa Tlau khuallian a ni.

Ronald Sapa Tlau chuan, India leh Venezuale ram aṭanga ṭhalaite intawh khawmna Youth Dialogue chu ram pahniha ṭhalaite tan inhriat pawh tawnna ṭha leh ṭhalaite dinhmun leh nunphung inhriatsakna ṭha thlentu a nih a beisei thu a sawi.

Venezuela ram chu khawvela tuialhthei ngah ber pawl, khawvel huapa miss thlannaa thawh hlâwk ber pawl leh demo­cracy hluttu ram a nih thu sawiin, Venezuela ṭhalaite leh India ram ṭha­­laite inpawh tawn chu pawimawh a tih thu a sawi a, "Ram mipui, a bik takin ṭhalaite an hrisela an hlimna turin democracy leh secularism kan hlut thiam a ṭul tak meuh a ni," a ti.

India rama Venezuela ambassdor Augusto Mon­tiel chuan, India leh Venezuela ram ṭhalaite inkara inpawhna leh thawh­hona ṭha zawk, zirna leh hna thawhnaa inpawhna ṭha zawk a awm zel a beisei thu a sawi a; India ṭhalai tam zawk Venezuela rama lehkha zir tur leh thawk turin kal se a duh thu a sawi bawk.

Venezuela-India Youth Dialogue 2018-ah hian Venezuela Embassy-a thawk te, Confederation of Young Leaders member-te leh ram hruaitu ṭhenkhatte an tel a ni.