Lo neitute leh mithiamte inkâwm

Agriculture Technology Mission Agency (ATMA) leh KVK, Khawzawl chuan nimin khan Champhaia IPR auditorium-ah 'Farmer Scientist Interaction Programme' an buatsaih a, Champhai DC Dr Naveen Aggarwal-i'n a hmanpui.

Dr Naveen Aggarwal chuan, sorkar laipuiin kum 2022-ah lo neitute sum lak luh zat a lêta tihpun a tum tihhlawhtlinna tur atan, a bik taka lo neitute leh mithiamte inkawm­hona hun siam a ni chu lawm­awm a tih thu a sawi a; lo neitute chu mithiam zawkte aṭanga an thil zir leh hmuhte mi dang­te hnena hrilh chhawng ve zel turin a chah.

Lo neitute sum lak luh zat tipung turin buh leh bâl leh thlaite double cropping hmanga ṭum hnih chìn ṭhin a ngaih thu sawiin Champhai DC chuan, "Tui harsatna sukiang turin lei hnuai aṭanga tui siak chhuah te, ni zung leh electric hmanga pump chhuaha sem kualte an ngai a, hemi kawngah hian sorkar pawhin nasa takin ṭan a la a ni," a ti.

Inkawmhonaah hian KVK scientist Dr Vanlalhruaia kaihhruai­in mithiamte'n thil pawi­mawh hrang hrang lo nei­tute an hrilh a, lo nei­tute'n zawhna an neihte an chhang a ni.