Mark Wahlberg-a'n Chevrolet Showroom hawng dawn

Rapper a nihna dah ṭha a, lemchan khawvela zuang lut American actor Mark Wahlberg chuan Chevrolet Showroom a hawng dawn.

Mark Wahlberg hian a ṭhian hnai tak Jay Feldman nen thawk dunin showroom hi an hawng dawn a, an hawn hma hauhin an larpui der tawh! Columbus, Ohio-ah sumdawnna bul an ṭan dawn a, an hlawhtling zui angem tih chu hriat chakawm tawh tak a ni.

Wahlberg leh Feldman te hian kum 2017 aṭang tawh khan sumdawnna lam hi an lo ngaihtuah dun ṭan tawh a, tunah chuan an tum ram an hnaih ta hle a ni. 'Lone Survivor' star chuan, "Ka lo suangtuah ve ṭhin atak ram a chang tur hian min ti phur hle a, theihtawp ka chhuah dawn a ni," tiin a phur tawh thu a sawi. Kum 47 mi lai ni ve tawh Wahlberg hian car a ngaina hle niin an sawi a, a kum a tam ve deuh tawh bawk avangin sumdawnna lamah a rilru a seng ṭan niin a ngaih theih a ni.