October aṭangin Marc Anthony tour dawn

American singer Marc Anthony chuan October 24 aṭang khian tour a nei dawn a, hemi atan hian Cárdenas Marketing Network (CMN) nen inremna an ziak tawh. An inremna hlut zawng hi $mtd 160 zet a ni a, kim chang taka tarlan erawh a ni lo thung.

Jennifer Lopez pasal hlui Marc Anthony hian United States, Central America, South America leh Caribbean te a hrut dawn a, he mi promote nan hian CMN hian sum ṭhahnem tak an thehchhuak dawn a ni. Agganis Arena, Boston-ah tour kick-off hi a nei ang a, New York, Miami leh Los Angeles-ah te a concert zui dawn a ni. San Juan, Puerto Rico-ah December 14 khian a hmawr a bawk dawn a ni.