One Direction reunion duhtu an tam

July 23 khan English-Irish pop boy band One Direction chuan an din aṭanga kum riatna an thleng a, fan te chuan reunion nei leh tura an duh thu an sawi nasa hle.

Member panga awmna One Direction hi kum 2010, July 23 khan din a ni a, music khawvelah chuan band lar leh hriat hlawh ber pawl an ni. Kum 2016 khan an band hi an tawp a, tun thlengin an la perform ho leh lo. Hetih lai hian an din aṭanga kum riatna an thlen hian fan tam tak chuan inzawm khawm leh tur an duh thu social media lamah an tarlang nasa hle a ni.

An anniversary-ah hian fans lam chuan an la hit zual an tarlang nasa hle a, Band member zingah Louis Tomlinson, Liam Payne leh Niall Horan te chuan an din champha pual hian fan te zahna an lantir a, an lo thlawp tawh ṭhinna zawng zawng avangin lawmthu an sawi a ni. Hetih rual hian reunion lam erawh an sawi lang lo thung.