Aizawlah Vijay Diwas hman a ni

Nimin December 16 kha India-in Pakistan a hnehna ní, Vijay Diwas a ni a, India ram hmun dang ang bawkin nimin khan Mizoramah pawh hman a ni.

Vijay Diwas hi nimin zing khan Treasury Square-a War Memorial-ah Governor Hari Babu Kambhampati hoin hman a ni a; Governor bakah chief minister Zoramthanga, Home minister Lalchamliana, chief secretary Dr Renu Sharma, Sainik Welfare & Resettlement director Surg.Lt.Cdr Lalnuntluanga, World War-II veteran Lalbiakthanga Pachuau leh sorkar leh sipai hotute'n pangpar an dah.

December 16, 1971 khan India sipaite chuan East Pakistan zalenna a sualna (Indo-Pakistan War)-ah Pakistan an hneh a; East Pakistan chuan zalenna hmuin, Bangladesh tih zui a ni. Pakistan sipai lal ber Gen. Amir Abdullah Khan Niazi chu sipai dang 93,000 nen India sipai hotu Gen. Jagjit Singh Aurora hnenah an inpe a ni.