Hmeichhe naupang pawngsualtu Kum 10 jail-a táng tura hrem a ni

Champhai District Court-a special judge R Vanlalena chuan, naupang kum 8 mi pawngsualtu Lalthlengkima (36), Chhawrtui, Champhai district chu hrehawm taka kum 10 chhung jail-a táng tur leh Rs. 4,000 chawi turin a hrem.

Champhai Police aṭanga thu dawn danin, March 17, 3015 khan hmeichhe naupang pakhat, a ṭhiante in aṭanga a haw tur chu Lalthlengkima hian a bike-a chuang turin a sáwm a; hmeichhe naupang hian Lalthlengkima chu a hmelhriat a nih avangin a úte ho lâm zirnaa hruai turin a ngen a ni. Lalthlengkima chuan naupang chu phurin, ramhnuai lamah a kalpui a, a pawngsual zui a ni.

Naupang hi an hmuh lawk loh avangin a chhungte leh ṭhenawmte'n an zawng a, Lalthlengkima leh naupang hi bike-a an haw lam an hmu a ni. In an thlen hnuah naupang hi muhil nghalin, a harh veleh a thil tawn chu a sawi a, a chhungte chuan doctor bulah an hruai nghal a ni. Doctor-te'n an endik hnuah pawngsual ngei a ni tih an finfiah. Police-te thil hmuh chhuah leh finfiahna hrang hrangte a zir chian hnuah Court chuan Lalthlengkima chu hrehawm taka kum 10 táng tur leh Rs. 4,000 chawi turin a hrem ta a ni.