Swarnim Vijay Varsh hmang

Nimin khan Lammualah India-in kum 1971-a Pakistan a hnehna kum 50-na, Swarnim Vijay Varsh lawmna leh ex-servicemen intawh khawmna Swarnim Varsh-cum-Ex-Servicemen Re-Union an hmang a, Home minister Lalchamliana'n a hmanpui.

Lalchamliana chuan, indona hrang hranga sipai nun hlantu te, sipai ṭang laite leh sipai pension te, indona avanga an thihsan an nupui fanaute sorkarin a hriatreng thu a sawi a, "Tun hnaia Col. Viplay Tripathi, commanding officer, 46 Assam Rifles leh a chhungte thihna leh helicopter chetsualnaa thi Chief of Defence Staff General Bipin Rawat leh mi 13-te kha ka tawrhpui hle a ni," a ti.

Home Minister chuan, tun hnaia sipai officer-a tling Lalrinawma Sailo leh Malsawmzualate a lawmpui thu sawiin, Assam Rifles-te'n Mizo ṭhalaite tana coaching an buatsaih ṭhin chu lawmawm a tih thu leh officer rank mai bakah, rank hniamahte pawh Mizo ṭhalai tam zawk lut zel se a duh thu a sawi.