Sawifiah turin minister RRRa an phût

Congress party ṭhalaite chuan minister Robert Romawia Royte-in mipui zawhna tam tak chhan tur a nei nia sawiin, sawifiah turin an phût.

MPYCC chuan, Robert Romawia'n a private secretary (PS) laka FIR thehluh chu kohhran upa a nih avanga kohhran chona anga a sawi leh sût tura a duh thu a sawi chungchangah "Kohhran upa tihah a dik lo tih finfiah nghal theih mai tura CT Lalthansanga a zan là lâa mantira FIR a thehluh hi thil mawi lo leh mahni nihna zahawmna pawh hum zo loa party ruihchilhna vang a ni," an ti.

Congress ṭhalaite chuan, H Zothansanga FIR thehluh Cyber Crime Branch-in bawhzui nghala a zan là lâa CT Lalthansanga an man laia CT Lalthansanga'n H Zothansanga laka FIR a thehluhah tun thlenga hmalakna a la awm lo chu police kut phuarna dik taka an ngaih thu an tarlang.