Mamit dist-a vaccine pek thlirho

Mamit District Task Force on Covid-19 Vaccination chu nimin khan bawrhsap Dr Lalrozama hoin DC conference hall-ah an ṭhu a, Covid-19 vaccine pek tawh dan an thlirho. Dr Lalrozama chuan, Mamit district mipuiin Covid vaccine an lak ṭhat tâwk loh thu a sawi.

Ṭhutkhawmah hian Mamit district-a khaw ṭhenkhata vaccine la ṭha lo zual khuate chu kumin chhung ngeia an khuaa kal chilha zirtir an rêl a, Mamit CMO-in ruahmanna lo siam nghal se, an ti.

Mamit district-ah hian Covid-19 vaccine pek tur zat chhinchhiah chu mi 59,397 an ni a, dose khatna 77.6% leh dose hnihna 57% pek a ni tawh. Covid-19 vei mi 5,537 an awm tawh a, Covid-19 vangin mi 14 an thi tawh bawk.