KHAWTHLIR

Blood donation
Association for Voluntary Blood Donation (AVBD) leh Zirtiri Residential Science College NSS-te chuan nimin khan Zirtiri RSC Auditorium-ah voluntary blood donation awareness campaign an buatsaih. Campaign-ah hian Zirtiri RSC zirlai ṭhahnem tak an tel a, AVBD president C Lalnunnema'n thisen pek pawimawhna leh thisen pek dawna tih tur leh tih loh turte a sawifiah a ni.

MiMIR sawiho
Nimin khan Lunglei DC Dr Ankita Chakravarty hoin DC conference hall-ah Mipui Mamawh Inṭawm Ruahmanna (MiMIR) chungchang sawiho a ni. MiMIR hnuaia inelnaah hian Lunglei district aṭangin khua/veng 34-in project an thehlut a, nimin meeting-ah hian concept paper-te zirho a ni.

Building hawng
RUSA sum hmanga T Romana academic building sak thar chu nimin khan Higher & Technical Education minister R Romawia'n a hawng. R Romawia chuan, zirna-in a ṭhan len zel nan ṭhahnemngai turin mipui a sáwm a, "Zirlaia thiam thei ti ṭha peih lo nih ai chuan, tumruhna leh taimakna chu hlawhtlinna bul a ni zawk tih hriat zawk a pawimawh," a ti. Building hawn tak hi chhawng ruk a ni a, a dung ft. 60 leh a vâng ft. 35 a ni.

Climate change zir
Mizoram Science Technology and Innovation Council (MISTIC) hnuaia State Climate Change Cell leh Mamit College ṭangkawp chuan nimin khan Mamit IPR conference hall-ah boruak, sik leh sá danglam (climate change) chungchang zirhona an buatsaih.