Bank kaltlanga ṭanpuina dawn theih dan tur sawiho

NLUP-NEDP Convergence hnuaia hamṭhatna dawngtute’n bank kaltlanga ṭanpuina an dawn theih leh theih loh dante nimin khan Champhai DC conference hall-ah district bawrhsap Dr Naveen Aggarwal hoin sawiho a ni.

Dr Naveen Aggarwal chuan, NLUP-NEDP line department hrang hrangte chu a remchan dan ang zela beneficiary-te technical training pe ṭhin turin a chah a, "Training pek hnuah first instalment pek chhuah ṭhin tur a ni. Second instalment chu an thawh ṭhat dan VLNC-te nena thlithlai a, an thawh ṭhat chauha pek chhuah tur a ni," a ti.

Champhai DC chuan, beneficiary dik tak leh dawng turte hnena ṭanpui­na a thlen ngeih theihna turin training lai ngeia Aadhaar, EPIC card, passbook leh bank account-te felfai taka endik leh vek turin line department hotute a chah bawk.

Meeting-a tarlan danin, NLUP Implementing Board duh dan ang chuan, beneficiary-te hnenah ṭanpuina sum bank kaltlanga pek chhuah vek tur a ni. Meeting-ah hian Champhai district-a NLUP-NEDP convergence kalpuitu departmen-te'n ṭanpuina an sem chhuah tawh dante an sawifiah.