CM-in Keifang centenary a hmanpui

Keifang khua chuan nimin khan Centenary Sports Complex-ah an khaw kum 100 tlin lawmna khàrna hun an hmang a, chief minister Zoramthanga'n hmanpuiin, Sangtea Memorial Centenary Basketball & Volleyball Court a hawng.

CM Zoramthanga chuan, Keifang khua chu kawngpui pawimawh intawh khawmna, la ṭhang zel tur a nih thu a sawi a; khaw mipuite'n hmasawnna ruhrel dinna tur an sawite chu a remchan dan anga a ngaihtuahpui tur thu sawiin, ram dinhmun ngaihtuah chunga hmathlir ṭha tak nei turin a chah.

Chief Minister hian Saitual DC Complex sak hna thawh mek chu a hmunah tlawhin a enfiah nghal a ni.