ZPM President-in kum 2023-ah hnehna an chan a beisei

ZPM chuan nimin khan an pisaah kumin chhung atana an party pisa khârna inkhawm an nei a; thusawitu ZPM president Lalliansawta chuan, an thawhhonna leh ṭanrualna avangin kum 2023 inthlanpuiah hnehna an chan ngei a beisei thu a sawi.

Lalliansawta chuan, Mizoram chu political party pahnihin an inenkawl chhâwk ṭhin tih sawiin, "Ram mipuite'n ram kaihruaitu tur party thar an zawn mek laiin ZPM kan lo lang a, ZPM lan hun hi a fuh tak zet. Kan party hi kan inlungrual a, hruaitu lamah phei chuan thawhhona a ṭha em em. Chutih laiin party chhunga hêm rawn thlak tum an awm reng a, hei hian min tichhe dawn lo a, kan thawhhonna leh ṭanrualna hian kum 2023 inthlanpuiah hnehna min chantir ngei ang," a ti.

ZPM President chuan, "Party en rawn leh beih rawnna karah mipui ngaihven kan nih avangin, kan ṭawngkam hman dan thlenga kan fimkhur a ngai," a ti a; pawi sawitu ni lo a, mi dang tana malsawmna thlentu an ni zawk tur a nih thu a sawi.