VARA-in an kum 25-na an lawm

Vairengte Auto Rickshaw Association (VARA) chuan nimin khan Vairengte Multipurpose Hall-ah an kum 25-na, silver jubilee an lawm a, bialtu MLA Lalrinsanga Ralte-in hmanpuiin, jubilee lungphun a hawng.

Lalrinsanga Ralte chuan, VARA member-te’n Mizoram humhalh a nih theih nan thâ leh zung séngin hma an la ṭhin tih sawiin, “Kan ramri humhalhna kawnga pawl pawimawh ber zinga mi a ni,” a ti. “Covid-19 léng karah sum leh paia sorkar a pachhiat lai pawhin ramri hmasawnna tur leh ramri venghim turin sum tam tak sorkarin a seng rêng a ni,” tiin, Vairengteah IR company headquarters din a nih dawn thu a sawi.