BJP-in Good Governance Day hmang

BJP, Mizoram Pradesh chuan nimin khan an party pisaah Advance Christmas leh Good Governance Day an hmang a, nimin vêk khan an pisa chu kum 2021 chhung atan an khâr nghal.

Mizoram BJP president Vanlalhmuaka chuan, Myanmar buaina avanga Mizorama ráltlân awm mekte tana hmalakna tur sorkar laipuiin ṭanpuina a ruahman mek nia sawiin, “Kan unaute hian nakin lawkah central sorkar aṭangin ṭanpuina an hmuh thuai ka beisei,” a ti.

Vanlalhmuaka chuan, Mizorama rél kawng siam hna thawh muang lutuk chu sorkar laipui hotute hnenah a thlen tih sawiin, “Delhi-a ka chàm chhungin union minister ka hmu hnem khawp mai a, Mizoram sorkar hian central-a an zin hian thil tak tak hi an zuk sawipui lo nge tih tur hian a lang,” a ti a; union minister a kawm aṭangin Mizoram hruaitute’n Mizoram mamawh leh harsatna awmze neiin an thlen lo nia a lan thu a sawi.

BJP hian nimina inkhawmah hian an member kum upa mi panga hnenah Krismas thilpek an hlan a ni.