7th. Pay chungchang thlirho

Mizoram sorkar hnathawk pawl hrang hrangte intèl khawmna, Federation of Mizoram Government Employees & Workers (FMGEW) hruaitute chu nimin khan an ṭhukhawm a; 7th. Pay Commission chungchanga sorkar hmalakna an thlirho.

FMGEW chuan, Mi­zoram sorkarin a hnuaia thawkte dinhmun hre­thiama sorkar laipui hnathawkte anga 7th. Pay Commission rawtna zûlzuia hlawh pek a phalsak chu lawmawm an tih thu an tarlang a, "FMGEW dilna ngai pawimawh a, Mizoram sorkar hnathawkte tana Central Pay Rules extend a phalsak leh chutiang tura hmalakna kal zelte hi lawmawm kan ti hle a ni," an ti a; 7th. Pay anga hlawh lak a nih theih­na atan notificcation leh pay rules peih thuai turin sorkar an ngen a ni.