MCS-te tan training buatsaih

State Institute of Rural Development & Panchayati Raj (SIRDPR) chuan nimin khan an conference hall-ah 'Training Course on Multi Level Planning for Mizoram Civil Service Officers (Junior & Senior Grade)' an buatsaih.

Training hawn inkhawm hi SIRDPR senior core faculty Khuangthansanga Pakhuangte-in kaihruaiin, director Maria CT Zuali chuan ruahmanna ṭha a awm loh chuan hmalakna leh hna­thawhte a ṭha tak tak thei lo tih sawiin, "Ram changkang zawkahte chuan rua­hmanna (planning) hi an uluk em em

ṭhin a ni," a ti.

Mizoramah pawh Panchayati Raj System hman tumin hmalak mek zel a nih thu sawiin SIRDPR Director chuan, "Chumi atan chuan ruahmanna (planning) hi a pawimawh em em a, village level aṭangin kan hmalakna leh hnathawh turah ruahmanna (plan) siam a ngaih dawn avangin chumi chung­chang chu kan zir dawn a ni," a ti a, ruahmanna ṭha chuan kum eng emaw zat lo awm tur thlengin a huam ṭhin thu a sawi.

Training-ah hian MCS 13 an tel a, Planning & Implementation department, MZU leh SIRDPR mithiamte’n zirtirna an pe dawn a ni.