Hnam martarte hi kan hnam Lungphûm an ni - Tawnluia

Ex-MNA Association chuan December 18, Inrinni khan Martar Thlanmual, Luangmual a mi tihfai hnatlang an nei a, an hun hmanpuitu MNF sr. vice president Tawnluia chuan hnam martarte chu hnam lungphum an nih thu a sawi.

Tawnluia chuan martar chhungte Krismas chibai bukin, "Hnam martarte hi kan hnam lungphum tak tak an ni a, ṭhangtharte hian kan hluta kan ngaihsan zel ka beisei. Ram tana an inpekna leh huaisenna khan hriatreng a phu tak zet a ni," a ti.

Zalenna suala an rammut lai khan duty-a chhuak turte thlah liam ṭhintu a nih thu sawiin MNF Sr. Vice President chuan, "Nungdamin an rawn hawng ang em tih hi ka rilrua lian ber a ni ṭhin," a ti a, duty-a chhuah hlauhawm viau mah se, an inchuh ṭhin thu a sawi.