Lottery chungchang Cabinet-ah

Mizoram sorkarin lottery a kalpui zel dan tur ngaihtuahtu State Lottery Committee chuan rawtna an neihte Cabinet meeting-a ngaihtuah turin an thehlut tawh.

State Lottery Com­mittee chairman, Finance secretary Lalnunmawia Chuaungo hnen aṭanga Vanglaini thu dawn danin, Committee hian Mizo­ramin lottery kalpuina atana rules awm mekte chu siamṭhat ṭha an ti a; Cabinet-in a ngaihtuah turin an thawn tawh a ni.

Tarlan tawh angin, Mizoram sorkar chuan Mizoram State Lottery kalpui mek chu July 10, 2018-ah a titawp a, lottery tihtawpna thupek chu Finance department-in an chhuah.

MNF party chuan, Lottery kalpui danah thil dik lo a awm nia hriain, July 9, 2018 aṭang­in Institutional Fi­nance & State Lottery Direc­torate-a thawktute pisa kai tur an dang a, July 10-ah dan chhunzawm lehin, lottery tihtawp hrih a nih tak avangin pisa kai tur dan hi an chawlhsan a ni.