Champhai DC leh MJA-te an inkâwm

Champhai DC Dr Naveen Aggarwal leh Champhai district MJA member-te chu nimin khan DC conference hall-ah an inkâwm a, an district hmasawnna tura hmalakna hrang hrangte an sawiho.

Dr Naveen Aggarwal chuan, MJA member-te chu sorkar thil tih leh hmalaknate mipuite hriata pho langtu an nih inhria a, dik leh rinawm taka thawk turin a fuih a "Sorkar hmalaknaah mipuite aṭanga ngaihdan awmte pawh hrilhhriat a pawimawh," a ti a; MJA member-te'n district tana hmalakna tur an thlente chu en zui a tum thu a sawi.

Dan leh thupek ken­­kawh kawngah te, in­biakpawhna lama har­satna leh dan loa sumdawnna, ruihhlo leh dan loa thil tawlhruk ṭhinte chu ngaimawhawm a tih thu sawiin Champhai DC chuan, "A bik takin ruihhlo dona kawngah lungrual taka beihpui thlak a ngai. Mi tin huapzo zirtirna zau thei ang ber media hmanga neih a ṭul," a ti.

Champhai MJA president C Lalhnunpuia leh a thawhpuite chuan DC hnenah hian an ngaih pawimawh hrang hrang an sawi a; Champhaia a awm chhungin an district tana hriatreng tlak hnutchhiah tum turin an ngen a ni.