ZPM hnuaiah Mizoramin super CM A nei ngei dawn - ZPM Vice Chairman

Ṭangrual pawl, Zoram Peoples' Movement (ZPM) vice chairman Dr Kenneth Chawng­liana chuan, ZPM-in sorkarna an chan chuan Mizoramin super chief minister a nei ngei dawn niin a sawi.

Nimina ZPM pisaa inkhawm­ah Kenneth Chawngliana chuan, ZPM sorkarna tur chhan hrang hrang a sawi a, "Kohhran hrang hrangte’n min thlàwpna a takin min hmuhtir mek. Kut hnathawktute thlawpna kan dawng mek bawk a ni," a ti.

Dr Kenneth Chawngliana chuan, Mizoram ṭhalaite chu sorkar kal tawhte'n ram an enkawl danah an beidawng tawh nia sawiin, "Ram changkang khawsak zia an hmu pha ve tawh a, kan ram dinhmun an thlir a, an lungawi thei thlâwt lo. Degree sang neite hian an zir zawhah hna an hmu chuang lo a, ramin hma a sawn loh chuan hna a váng tih an hre chiang a a ni," a ti a; chu'ngte avang chuan ZPM-ah beiseina thar an nei niin a sawi.

ZPM Vice Chairman chuan, zu zawrh vangin Mizoramah nu ho an rûm tih sawiin, "Hmeithai, fahrah, nupa in­ṭhen chhan tam ber hi zu vang a ni. Chuvangin, nu ho leh hmeichhe thlàwpna kan dawng dawn bawk a ni,” a ti. Ruling party ngeina leh khamna boruak a tleh mek nia sawiin, "A thlâkna awmchhun ZPM-ah beiseina boruak a tleh mek. Chuvangin, Mizoram hian super mhief minister kan nei ngei dawn a ni,” a ti bawk.