Mamit leh Champhaiah fai inelna hawng

Thingtlang khuate faina lama an inelna, Swachh Survekshan Grameen 2018 chu an district chhunga bul ṭan a nih theih nan nimin khan Champhai leh Mamitah hawn a ni.

Champhaiah chuan DC conference hall-ah hawn a ni a, khuallian Dr Naveen Aggarwal, Champhai DC chuan, faina kawngah Mizoramin nasa taka ṭan a lak thu leh hmasawnna tam tak a awm thu sawiin, "Khaw­tlang ṭanrualna ṭha tak leh neitu nihna thinlung pu chunga faina kawnga mi tinin an tih tur an hlen ṭhin hi Mizoramin faina kawnga hma a sawnna mellung pawimawh tak a ni," a ti.

Mamitah chuan LAD conference hall-ah hawn a ni a; khuallian C Lallunghnema, PHE chief engineer chuan, Mamit district chhunga thing­tlang khuate chu thianghlimna kawngah ke an pên a, faina chu mi dangte tih bik tura dah lo a, an mawhphurhna ṭheuh a ni tih hre turin a chah.