DD leh AIR-in lungawi lohna lantir

All India Federation of Doordarshan Programme Personels, Central Committee huaihawtin tun kar chho khan India ram pum­ah Doordarshan station zawng zawngah lungawi lohna, sit-in demonstration neih a ni a, Doordarshan Kendra, Aizawl pawhin lungawi lohna lantirna hi July 26, Ninga­ni aṭang khan an zawm.

Thu dawn danin, Doordarshan leh All India Radio-ah kum rei tak chhung chu programme cadre-a thawkte kaisantir an ni lo a, a chung lamah Indian Broadcasting & Programme Service (IBPS) post 1,038 luah khah lohin a awm. Assistant Director General-ah IBPS dik tak mi pahnih chauh an awm a; Director, Deputy Director leh Deputy Director General post-te chu IBPS-te'n an luah lo a ni. Heng post chelh tur hian gazetted officer rank-a service-a lutte kaisantir an nih loh avangin, kum 25-30 chhung chu ICPS-te an luhna post ngaiah an la awm a ni.

Service dang - IDES, IOFS, IIS, CSS leh IRS aṭangin programme enkawl tur deputation-a lak luh ṭhin a ni a, IBPS recruitment rules-ah ADG (Programme) ni turin publicity leh programme production-ah kum 17 tal experiance neih a ngaih thu a inziah laiin, tun hnaiah pawh Indian Telecom Service aṭangin mi pahnih chu ADG (Programme) hna chelhtir an ni.

Programme cadre lam kaisan chak loh avangin AIR leh Doordarshan station tam zawk chu engineer officer-in an awp mek a, chu chuan programme ṭha siam kawng­ah nasa takin a tiṭhuan­awp nia ngaih a ni bawk.

Hengte avang hian India ram puma Doordarshan leh AIR station zawgn zawngah lungawi lohna an lantir ta a ni.